Sanskrit Essays - संस्कृत निबंध:

মম গ্রামঃ নাটাবাড়িঃ ইত্যাখ্যঃ। পশ্চিমায়াং দিশি প্রবাহিতা কালজানিঃ নাম নদী। গ্রামস্য মধ্যে অস্তি সুপরিসরঃ মার্গঃ। গ্রামপঞ্চকসংস্থা অস্য পরিরক্ষণে উদ্যুক্তা বৰ্ততে। অত্র দ্বৌ প্রাথমিকবিদ্যালয়ৌ, একঃ মাধ্যমিকবিদ্যালয়ঃ, একঃ পত্রপ্রেষণাদিকার্যালয়ঃ, একঃ গ্রন্থাগারঃ, একা আরােগ্যশালা চ বর্তন্তে। গ্রামবাস্তব্যানাং মধ্যে বহবঃ কৃষিজীবিনঃ কারুকারিণশ্চ অন্যে চ নিয়ােগােপজীবিনঃ সন্তি। অস্তি তেষু পরম্পরং প্রীতিভাবঃ।

কোহপি কিয়ান্ শিক্ষিতঃ তস্য প্রদর্শনাে-পায়ঃ নাম পরীক্ষা। ছাত্রাঃ বর্ষং পঠন্তি পরন্তু তৈঃ পাঠবিষয়ঃ কিয়ান্ আয়ত্তীকৃতঃ সঃ পরীক্ষয়া জ্ঞায়তে। পরীক্ষয়া পঠনবিষয়েষু ছাত্রাণাং রুচিঃ গতিশ্চ জ্ঞায়েতে। সর্বেষু দেশেষু পরীক্ষৈব জ্ঞানস্য মানদণ্ডঃ। অস্মাকং দেশে অন্ততঃ প্রতিবর্ষম্ দ্বিবারম্ পরীক্ষা ভবতি, অর্ধবার্ষিকী বার্ষিকী চ। অতঃ জীবনে পরীক্ষা গুরুত্বপূর্ণা।

অস্মাকং দেশে অনেকে উৎসবাঃ ভবন্তি। তেষু হােলিকোৎসবঃ অন্যতমঃ উৎসাহবর্ধকঃ উৎসবঃ।ফাল্গুন-পূর্ণিমায়াম্ অয়ম্ উৎসবঃ ভবতি। হােলিকা হিরণ্যকশিপােঃ ভাগিনী আসীৎ। তস্যাঃ দাহঃ ভবতি উৎসবস্য রাত্রৌ। বিবিধরঙ্গময়ানি জলানি জনেষু নিক্ষিপ্য অবীরালেপনেন চ অয়ম্ উৎসবঃ পাল্যতে।

আশ্বিনে শুক্লপক্ষে প্রতিবর্ষং দুর্গাং পূজয়ন্তি ভারতবাসিনঃ। বিশেষেণ ভারতদেশস্য পূর্বস্যাং দিশি, বঙ্গঃ, অসমঃ, অরুণাচলঃ, মণিপুরঃ, ত্রিপুরা ইত্যাদিষু রাজ্যেষু অয়ং মহোৎসবঃ উৎসাহেন প্রবর্ততে। মণ্ডপে মণ্ডপে মৃত্তিকা-প্রতিমাং নির্মায় বহুলক্ষম্ জনাঃ আনন্দং লভন্তে। দেবাসুরসংগ্রামে মহিষাসুরেণ ভয়ংকরং যুদ্ধম্ প্রবৃত্তম্। তস্মিন্ বিজয়ার্থং সর্বে দেবাঃ মিলিত্বা সংযুক্তাং শক্তিং নির্মায় অযুধ্যন্ত। অতঃ ইয়ং পূজা শক্তিপূজাপি কথ্যতে।

স এব সুশিক্ষকঃ যঃ সুষ্ঠু শিক্ষয়তি। শিক্ষকঃ সন্মার্গম্ অপি উপদিশতি। সঃ যথা উপদিশতি তথা যদি স্বয়ম্ আচরতি তর্হি স এব শিক্ষকঃ সার্থকনামা। কেবলং তাড়নেন ভর্ৎসনেন শিক্ষণবিধেঃ সৌকর্যং ন স্যাৎ।ছাত্রবাৎসল্যং শিক্ষকস্য গুণবিশেষঃ। এবং নীতিনিপুণঃ কর্তব্যপরায়ণঃ স্নেহবৎসলশ্চ শিক্ষকো মমাভিমতঃ।

বিদ্যালয়ঃ জ্ঞানস্য নিধানম্। তত্র বিদ্যালয়ে গুরবঃ অম্মান্ বিবিধান্ বিষয়ান্ পাঠয়ন্তি, উপদিশন্তি চ সন্মার্গম্। অস্মাসু তে অপত্যবৎ স্নিহ্যন্তি। বিদ্যালয়স্য পার্শ্বে অস্তি দূর্বাঙ্কুরৈঃ ব্যাপ্তং ক্রীড়াঙ্গনম্। তত্র বয়ং ধাবনম্ কুর্দনম্ খেলনম্ উৎপতনম্ চ কুর্মঃ। অতীব পবিত্ৰঃ বিদ্যালয়ঃ যত্র সন্তি গুরুচরণাঃ ছাত্রকল্যাণতৎপরাঃ।

শরৎকালে ভবঃ শারদঃ। শারদঃ উৎসবঃ শারদোৎসবঃ। প্রধানতয়া দুর্গাপূজায়াঃ এব শরৎকালে সম্পন্নত্বাৎ দুর্গাপূজাং নীত্বা যঃ উৎসবঃ সঃ শারদোৎসবঃ উচ্যতে। অত্র উৎসবে সিংহবাহিনী মহিষমর্দিনী দুর্গা মণ্ডপে মণ্ডপে পূজ্যতে। তম্ উৎসবম্ উপলক্ষ্য অখিলাঃ বঙ্গবাসিনঃ নবীনং বস্ত্রাদিকং পরিধায় একত্রীভূয় ভ্রমিত্বা খাদিত্বা চ পরস্পরং মিলনানন্দং অনুভবন্তি। দেবীং নিকষা সর্বে ‘রূপং দেহি জয়ং দেহি যশাে দেহি দ্বিষাে জহি' ইতি প্রার্থয়ন্তে। শারদোৎসবং বিনা বঙ্গজীবনম্ তমােময়ম্ ইব।

আধুনিককালে দূরদর্শনম্ একম্ অতীব শক্তিশালি গণমাধ্যমম্। মানবজীবনে অস্য সুদূরপ্রসারী প্রভাবঃ পরিলক্ষ্যতে। দূরদর্শনং বিনা আধুনিকজীবনং নৈব সম্ভবতি। তত্র প্রদর্শিতং রাজনৈতিকঘটনাদিকং চলচ্চিত্রক্রীড়াদিকং চ দৃষ্ট্বা বয়ম্ অস্মাকং জীবনং সুন্দরতরং কর্তুং পারয়ামঃ। এষঃ হি দূরদর্শনস্য সুপ্রভাবঃ। পরন্তু এতাদৃশস্য দূরদর্শনস্য কুপ্রভাবঃ অপি বিদ্যতে। পুনঃ পুনঃ কুরুচিকরং দৃশ্যং হিংসাসম্বলিতং দৃশ্যং চ অল্পবয়স্কান্ অধিকম্ আকর্ষয়তঃ। কার্টুনেত্যাদিকং অধিকং দৃষ্ট্বা সুকুমারমতয়ঃ বালকাঃ বালিকাঃ চ স্বপাঠং বিস্মরন্তি। এবং রূপেণ দূরদর্শনস্য প্রভাবঃ বহুবিস্তৃতং পরিলক্ষ্যতে।

অস্মাকং বিদ্যালয়স্য নাম 'তুফানগঞ্জ-বিবেকানন্দ-বিদ্যালয়ঃ (উচ্চমাধ্যমিকঃ)' ইতি। অস্য বিদ্যালয়স্য তিস্রঃ অট্টালিকাঃ সন্তি। মূলদ্বারস্য সম্মুখে স্বামীবিবেকানন্দস্য একা মূর্তিঃ অস্তি। বিদ্যালয়স্য প্রাঙ্গনে একং বিস্তৃতং ক্রীড়াক্ষেত্রম্ অস্তি। দ্বাদশশতাৎ অপি অধিকাঃ ছাত্রাঃ অস্মাকং বিদ্যালয়ে পাঠং গৃহ্নন্তি। তত্র বিদ্যালয়ে ত্রিংশৎ শিক্ষকাঃ শিক্ষিকাশ্চ সন্তি। তে অতীব স্নেহশীলাঃ যত্নেন চ অস্মভ্যং পাঠদানং কুর্বন্তি। বয়ম্ অস্মাকং বিদ্যালয়স্য কৃতে গর্বিতাঃ ভবামঃ । সর্বদৈব অধ্যয়নেন অস্মাকং বিদ্যালয়স্য সমুন্নতিং কর্তুম্ ইচ্ছামঃ।

সর্বে ধনম্ ইচ্ছন্তি। সর্বে হি তস্য উপার্জনায় অধিকাধিকং যতন্তে। পরন্তু অস্মিন্ জগতি শ্রেষ্ঠং ধনং হি বিদ্যা। বিদ্যা রত্নেন উপমীয়তে। অন্যৎ ধনং স্বজনৈঃ বণ্ট্যতে, কিন্তু বিদ্যারত্নং স্বজনৈঃ বণ্টিতুং ন শক্যতে। অন্যৎ ধনং চৌরৈঃ অপহ্রিয়তে কিন্তু বিদ্যারত্নং চৌরৈঃ অপহর্তুং ন শক্যতে। অন্যৎ ধনং দানেন ক্ষয়ং যাতি, পরন্তু বিদ্যারত্নং দানেন বর্ধতে এব। বিদ্যা নীতিকরী বুদ্ধিকরী যশস্করী চ। রাজা স্বদেশে পূজ্যতে পরন্তু বিদ্বান্ সর্বত্র পূজ্যতে। অতঃ উক্তম্ বিদ্যারত্নং মহাধনম্।

সঙ্গণকঃ আঙ্গলভাষয়া computer ইত্যুচ্যতে। এষঃ বিজ্ঞানস্য একঃ অন্যতম়ঃ শ্রেষ্ঠঃ আবিষ্কারঃ। ঊনবিংশশতকে চার্লস্ বাবেজ (Charles Babbage) নাম একঃ আঙ্গলঃ বৈজ্ঞানিকঃ ‘সঙ্গণকস্য জনকঃ' ইতি গণ্যতে। ততঃ ক্রমােন্নত্যা বয়ম্ আধুনিকং সঙ্গণকং ব্যবহরামঃ। অস্য সঙ্গণকস্য বাহ্যতঃ ত্রীণি বস্তুনি দৃশ্যন্তে—(১) ভিস্যুয়াল্ ডিসপ্লে স্ক্রিন্, (২) কীবাের্ড-মাউস্, (৩) সেন্ট্রাল্ প্রােসেসিং ইউনিট্ চ। তত্র সেন্ট্রাল্ প্রােসেসিং ইউনিট্ ইত্যস্য অন্তর্গতাঃ ভবন্তি (১) র‍্যাণ্ডম্ এ্যাকসেস্ মেমরি, (২) হার্ড্ ডিস্ক, (৩) প্রােসেসর্ ইতি চ। হার্ড্ ডিস্ক্ ইতি নাম সঞ্চয়ভাণ্ডারমধ্যে সর্বং তথ্যং বিধৃতং তিষ্ঠতি। অস্য যন্ত্রস্য সহায়েন বয়ং গ্রন্থস্য মুদ্রণরূপম্, চিত্রাঙ্কনম্, বার্তাপ্রেরণং বার্তাগ্রহণং চ বিবিধং শিক্ষামূলকং কর্ম কুর্মঃ। সঙ্গণকঃ আধুনিকমানবজীবনস্য অপরিহার্যঃ সহায়ঃ ।  জ্ঞাতব্য Computer-এর সংস্কৃত প্রতিশব্দরূপে ‘সঙ্গণকম্’ শব্দটি বহুল প্রচলিত। Internet-এও প্রতিশব্দরূপে এই শব্দটি দেওয়া আছে।

ভগবান্ বুদ্ধঃ কপিলবস্তু নামকে নগরে শাক্যরাজবংশে জন্ম লেভে। বাল্যকালে তস্য নাম সিদ্ধার্থঃ আসীৎ। যৌবনে সঃ পীড্যমানম্ জনম্ অবলােক্য সংসারং পরিত্যজ্য বােধগয়া-নাম্নি স্থানে বােধিবৃক্ষতলে সত্যদর্শনম্ অকরােৎ। ততঃ প্রভৃতি তস্য নাম 'বুদ্ধঃ' অভবৎ। সঃ বৈদিকধর্মসম্মতং পশুনিধনবাহুল্যং ন অনুমন্যতে। তস্য অহিংসাবাণী দেশে দেশান্তরে প্রচারিতা অভবৎ।

ভারতবর্ষে যথা নগরাঃ সন্তি তথা গ্রামা অপি। যথা নগরেষু এক্সপাে-লেক্সপাে ইত্যাদিকাঃ মেলাঃ ভবন্তি তথা গ্রামেষু ন ভবন্তি। পরন্তু তত্র হট্টঃ মনুষ্যান্ আকর্ষন্তি। গ্রামেষু হট্টঃ সপ্তাহে দিনৈকং দিনদ্বয়ং বা লগতি। গ্রামীণাঃ জনাঃ বস্ত্রম্, তৈলম্, বেত্রনির্মিতদ্ৰবাণি, মৃৎপাত্রাণি, ইত্যাদীনাং বহুবিধানাং দ্রব্যাণাং ক্রয়বিক্রয়ং কুর্বন্তি। গ্রামীণঃ হট্টঃ অতীব মনােরমঃ।